وطنية

لا يزّيهم لؤماء ولا يزيهم جبناء!

ميديا بلوس-تونس- وقت لهاتف رئيس البرلمان التونسي رؤساء برلمانات المغرب العربي، طلعت عبير قالت راهو الغنوشي هاتف الإخواني الليبي خالد المشري الي هو رئيس المجلس الاعلى للدولة، كي البرلمان عنّا.. وبالطبيعة بعد عبير، تسيبت الببغاوات متعاها الكل الي هوما معروفين من غير ما نذكروا بيهم ، وكيما تعرفوا العرب تقول القول ما قالت حذام، وهوما يقولوا القول ما قالت عبير.. من غدوة الصباح المواقع متاع الثورة المضادة الكل صبحت تحكي على رئيس البرلمان التونسي كيفاش هاتف رئيس برلمان اخواني!!! ببحث بسيط في جوجل لقينا 13 موقع عربي من يوم غدوة ردد مقولة عبير، وكان ركزنا رانا لقينا العشرات..
أما شنو هو إلي جحداتو عبير وببغاواتها ومواقع بن زايد والسيسي، وشافوا كان بالعين العوراء؟!!! والا هوما عملوا عين شافت وعين ما شافتش!
شفتوه الي في الصورة؟ الي عينيه ماضية!
هذاكا ياسيدي سي سليمان شنين، إلّي رئيس البرلمان الجزائري، الي هو اخواني في الحليب، الي هو من شباب محفوظ النحناج، الي هو ملي صغير متربي في مكتب رئيس الاخوان في الديوان متاعو، الي هو من الصحراء، الي هو من ورڨلة…. الي اتصل بيه الغنوشي أول واحد..
وكيما تعرفوا الببغاوات وأمهم، جبناء يخافو من الجزائر وما يخافوش من ربي، شافوا خوانجي ليبيا وما شافوش خوانجي الجزائر!!!!! شافوا الي اتصل بيه الغنوشي آخر واحد وما شافوش الي اتصل بيه الغنوشي أول واحد!!!! لا يزّيهم لؤماء ولا يزيهم جبناء!

اظهر المزيد

Tags

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Fermer

Adblock détecté

S'il vous plaît envisager de nous soutenir en désactivant votre bloqueur de publicité